Ostern im April

Ostern im April

Dr April, des isch a baiser Denger,
er macht halt emmer Lomperei!
Es friert oan manchmol no en d´Fenger
ond glei druff wieder Sonnaschei.

´S Fraule moat älls: ,,So. mei Liaber.
heut ganget mr a bißle aus!“
No kommt au glei a rechter Schtiaber
da bleibsch am beschta glei em Haus!

Dr Wenter will sich ällmol heba
a deam April – der schüttlet sich-
´S isch bloß oa Luaderleba
´S goht zua – oft fürchterlich!

Hosch Kittel a ond Mantel
no lacht dr Sonnaschei!
Wenn´s Wasser schiast em Kandel
hosch sicher nix drbei!

Mir lasset en halt macha!
Mir wisset: S´goht vorbei!
So isch mit viele Sacha!
´S wurd trotzdeam wieder Mai!

Gedicht von Willy Essig
uff Heckabeerlich-Schwäbisch